Lýsing
Leiðbeiningar frá Partýbúðinni um notkun þurríss til skemmtunar:
- Þurrís er -79°C kaldur og getur valdið alvarlegum frostbruna. Gætið ýtrustu varúðar við meðhöndlun þurríss; látið þurrísinn hvorki snerta hendur, varir, munn né nokkurn annan líkamshluta.
- Setjið þurrísinn ekki út í drykk sem ætlaður er til neyslu.
- Þurrísinn má setja með skeið út í vatn sem er í skál eða á bakka með kanti. Vatnið getur verið volt eða kalt; áhrifin eru aðeins meiri ef vatnið er volgt. Setjið aðeins lítið magn af þurrís í einu (jafngildi teskeiðar eða matskeiðar); annars frýs þurrísinn saman og áhrifanna gætir ekki lengi. Prófið ykkur áfram og bætið á eftir þörfum. Þegar þurrísinn snertir vatnið kraumar það og ísinn gufar upp með tilheyrandi reyk. Ef bollu- eða drykkjarskál stendur á bakkanum skal gæta þess að þurrísinn blandist ekki við drykkinn.
- Einnig má hella litlu magni af vatni yfir lítið magn af þurrís í opnu íláti.
- Aldrei má loka íláti sem þurrís og vatni hefur verið blandað saman í.
- Þurrísinn gufar upp um sem nemur 100 gr/klst úr litlum frauðplastkassa. Þannig má búast við að 1,5 kg verði orðið að um 1,0 kg fimm klukkustundum eftir að það er sett í kassann. 1,0 kg er gjarnan talið hæfilegt magn til notkunar í 10-20 manna veislu. Gera má ráð fyrir 2-3 kg uppgufun á einum sólarhring.
- Gott er að geyma þurrísinn á köldum stað, s.s. á svölum eða í geymsluherbergi fram að notkun. Litlu breytir um uppgufunarhraða þótt ísinn sé geymdur í frystikistu, en í lokuðu rými getur hann skapað hættuástand.
- GEYMIÐ ÞURRÍS ÞAR SEM BÖRN NÁ EKKI TIL.
- Látið börn ekki meðhöndla þurrís undir neinum kringumstæðum. Leitið læknis án tafar ef þurrísinn veldur frostbruna.